Ame zanayîş ke şaristanê Entabî de yew grûbe ke tede qirîcî zîestbî, karkeranê Amedî rê hêriş kerd. Vajîya ke karkeran nêverdayo hêrişkarî malzemeyanê înşaatî bidiznê aye ra raştê hêrişî ameyê.
Ame zanayîş ke muxtarê mehla hêriş organîze kerdo û hêriş de 3 tenî zaf giran, 8 karkerî birîndar bîyî.
3 karkerî bi giranî birîndar bîyî
arkeranê Amedî ke înşaatê TOKÎyî yê ke dewa Atalar Kartalî ya ke girêdayeya qezaya Gavurdaxî ya Dîlokî ya de xebetîyenî ameyê kuwayîş.
10 karkerî ke seba ke destûr nêdabi ke malzemeyanê înşaatî bidizîyê raştê hêrişî ameyî. Kesê ke hêriş de kuwayîş werd, şawîyayê nêweşxaneyanê cîya-cîyayan.
Netîceyê hêrişî de, karkeran ra Şahan Devran, Hayrettîn Devran û Abdulsena Tepe bi darbeyanê ke sereyê xo ra werdî, zaf giran birîndar bîyî. 5 karkerî zî bi hawayêko sivik birîndar bîyî.
Ame îdîakerdiş ke mîyanê kesanê ke hêriş kerdo de qorîcî zî estbî. Tedawîya birîndaran nêweşxaneyanê cîya-cîyayan ê merkezê Dîlokî de dewam kena.
Ameyê veradayîş!
Ame zanayîş ke kesê ke hêriş kerdbî û amebî tepiştiş, badê îfadedayîşê polîsxane ra dima ameyi veradayîş.