ZAZAKÎ NEWS-Rejîmê Îranî Kurdistanê Rojhelatî û Îranî de, hîrê mîyanê hîrê aşmanê peyênan de 230 kesî darde kerdê.
Rêxistina Heqanê Merdiman a Îranî humara dardekerdişî (Îdam) yê emserrî ya Îran û Kurdistanê Rojhelatî vila kerdî.
Rêxistinî îlan kerd ke Îran û Kurdistanê Rojhelatî de hîrê mengan de 230 kesî ameyê dardekerdene. Rêxistine da zanayene ke teyna aşma vîyarte de 59 kesî ameyê dardekerdene.
Goreyê rêxistine, hîrê menganê verênan ê emserrî de 230 kesî bi sebebanê cîya-cîyayan ameyê dardekerdene ke 222 kesî înan ra camêrd ê û 8 kesî înan ra zî cinî bîyê.
Ancîya rêxistinî dîyar kerd ke 59 kesanê ke teyna menga vîyarte de ameyê dardekerdene ra yew kurdî biyo, 7 belûçî û 3 zî efxanî bîyê. Ancîya nê 59 kesan ra 54 kesî camêrd û 5 zî cinî bîyê.
Goreyê serra verêne, dardekerdişî 2 qat zêde bîyê
Rêxistina Heqanê Merdiman a Îranî da zanayene ke dardekerdişî goreyê serra verêne 2 qat zêde bîyê û par hîrê menganê verênan de 110 kesî amebî dardekerdene.
