Karikaturîst Baran Tigrayî semedê Amida Haberî karîkaturêk viraşt û bale ante vatişanê Serekê MHPyî Dewlet Baxçelîyî ser.
Seke zanîyeno Serekê MHPyî Dewlet Baxçelîyî kombîyayîşê partîya xo de vatbi ke, " Ma nijadperestê tirkan ma mîyanê xo de tirkî qisey kenê. La ayê ke mîyanê HEDEPî de sîyaset kenê nêeşkenê bi ziwanê xo qisey bikerê."
Naye ser o Hemserekê HEDEPî Tuncer Bakırhanî zî kombîyayîşê koma partîya xo de qismêk bi Kurdkî qisey kerdbi.
Karukatur de hîrê resimî estê her hîrêyan de zî mêrikêk esto, mêriko ke zimbêlanê ey ra bewlî yo nijadperest o demanê cîya cîyayan de derheqê Kurdkî û Kurdan de beyanat dano.
Mêrik serra 1980î de vano "Kurdî çin ê." serra 1990î de vano "Kurdkî qede ya." û serra 2000i de zî vano "Yaw nê Kurdî zî hema ziwanê xo nêzanê"
Karîkatur de hetêk ra zî bedilyayîşê MHP vera Kurdan de yeno mojnayîş.
Çimeyê karîkaturî: Amida Haber