Mehlayêka Çewlîgî 2 aşmî yo ke awe çin ya: Şarî serehewana!

Welatîyê ke vera birnayîşê awe yo ke aşman ra yo dewam keno razînêbîyayîş mojna, beledîye ra waşt wa çareyêk bivîno.

Welatîyê Taxa Newe, ke yew taxa gird ya Çewlîgî ya, seba pêsayîşê awe yo ke aşman ra yo dewam keno yew protesto kerd û rayîr girewt.

Şarê mehla ke wazeno problemê awe bêro çareserkerdiş, dezgeyanê dewlete rê muracat kerd.

La çi heyf ke meseleya înan safî nêbî. Beledîye înan rê çareyêk nêdî. Şarê mehla zî ewro rayîrê mehla qefelna, adir kerd we û kerd ke vengê xo pêbihesno.

Şêlikê melha vano ke,  aşmanê hamnanî ra no problemê awe bîyo kronik. Her hamnan awa ma yena birnayîş. Mesulê beledîye eleqedar nêbenê û goş nedonî ma. La ena rey aşmêk o ke awa ma çîn ya. Her çiqa ma telefon kenê, ma dir eleqedar nêbenê. Ma zaf reyan seba ke îfadekerdişê problemê xo şaredarîye ra pers kerd, la ne Serekê Şaredarîye ne zî Îdarekerdoxê Karê Awe ma de nêbîyî muhatab."

"Ma CÎMERî ra muracat kerd la netîce nêgirewt"

"Ma zaf rey CÎMERî rê şîkayet kerd la reyna zî ma muhatab nêdî. Demê weçînayîşî de sîyasekarî yenê destê ma maçî kenê, la nika ma dir muhatab nêbenê."