Serekê CHPyî Özgür Özelî, badê ke vera Serekê Ciwananê CHPyî Cem Aydinî tehqîqat ame akerdene, reaksîyon nîşanê Erdoganî da. Özelî va, "Namzedê ma amade yo, bê vera ma."
Özelî derheqê tehqîqatî de beyanat da û reaksîyon nîşanê tepişyayîşê Akın Gürlekî da. Va ke, "Wextanêk wertaxîya AKPyî FETO bibî ke dima sey rêxistina terorî ame namekerdene. Dozê Ergenekon, Balyoz, casusîya leşkerî û şike... Çimê înan hende sîya bîbî ke waştê filmê fuhuşî û casusîya leşkerî bidê subayê Atatürkparezê ke tewr weş perwerde bîbî yê nê miletî. Dima ame zanayene ke kesê ke a îddîaname nuşta Sîlîvrî de yê û keso ke a game îqdîdar bi, dima sey gergan remay teber welatî."
Özelî, peynîya qiseykerdişê xo de wina va: "Ez kesê ke wazeno raştraşt welat vîndî biko rê vana; Mîyancî wedare. ma tîya yê. Eke ti wazenî hesab bipersê û tersê to çin o, sindoqî bîya û cewabê xo şarî ra bigê. Wa şar se vano wa o bibo. Partîya mi amade ya, ez amade ya, namzedê ma, namzedê ma amade yo. Bê vera mi û cewabê xo bigê.
