Sîyasetmedare û Wekîla HDPyî ya verêne Huda Kaya vizêr çarçewa tehqîqatê Dewaya Kobanê de ameybî girewtiş. Kaya dima sewqê Mehkemeya Cezaya Sulhe amey kerdene û mehkeme de tepişîya û erşawîya hepisxane.
Heyetê Rayberdişê Merkezî (MYK) yê Partîya Têdûştîye û Demokrasîyî ya Şaran (HEDEP) derheqê babete de eşkerayîyêk da.
Eşkerayî de ame parekerdene ke îqtîdar hema zî peyê heyfê serkewtişê Kobanê de yo û ayra Huda Kaya tepişîyaya. Eşkerayîye de ame îfadekerdene ke Huda Kaya nasnameyê xo yê aktîvîstîya heqanê merdiman û cinîtîye ra tepişîyaya.