ZAZAKÎ NEWS - Rojnamegerî Tîmur Soykan û Mûrat Agirel ameyî tepiştiş. Derheqê tepişîyayîşê rojnamegeran de heta nika beyanatêko resmî nêameyo dayîş.
Çarçewaya tehqîqato ke Dozgerîya Komare ya Îstanbulî dabî destpêkerdiş de rojnamegerî Tîmur Soykan û Mûrat Agirel ameyî tepiştiş. Tehqîqat de rojnamegerî bi "Tehdîd û Şantajî" yenê sucdarkerdiş. Ancîya ekîpê polîsan keyeyanê her di rojnamegeran de gerayîş kerd.
Soykan rojnameya BirGunî de, Agirel zî Cumhurîyetî de nuseno û her di rojnamegerî zî kanalê Youtubeê Onlar TVyî de xeberanê muhîman ê sey bêusulî, sextekarîya peran û qaçaxçîtîyî virazenê.
Rojnamegeran tewr peyên derheqê operasyonê ÎBBî de bi taybetî raporê MASAKî yê derheqê Şaredarê Bajarê Girdî yê Îstanbulî Ekrem Îmamoglû yê tepişîyayeyî ameybî amadekerdene ser o xeberê muhîmî nuştî.
Derheqê tepişîyayîşê rojnamegeran de beyanatêko resmî nêameyo dayîş. HaberTurkî ra Ceylan Severî na malumat par kerde:
"Rojnamegerî Tîmur Soykan û Murat Agirel nika nezaretxane de yê. Ez musaya ke Dozgerîya Komare ya Îstanbulî sebebê sucê tehdîd û şantajî qerarê tepiştiş û gerayîşî dayo. Yeno pawitene ke do dozger beryanatêk bido."
