Parlamentera DEM Partî ya Wanî û endama Heyeta Îmraliyî Pervîn Buldane eşkera kerd ke ê do roşanî ra dima bi Serekkomarê Tirkîya û Serekê AK Partî Recep Tayyîp Erdoganî reyde bêrê têhet.
Pervîn Buldane Medya Haberî rê qisey kerd û eşkera kerd ke seba serkewtişê prosese çareserîye, lazim o Selahattîn Demîrtaş bêro azadkerdiş.
Pervîn Buldane behsê pêvînayîşê bi Recep Tayyîp Erdoganî reyde zî kerd û va: "Ma do rasterast roşanî ra dima bi Rêzdar Erdoganî reyde pêvînayîş bike."
Ofîsê Çapemenî yê DEM Partî roja çarşeme da zanayîş ke Heyeta Îmraliyî seba zîyarekerdişê Recep Tayyîp Erdoganî muracat kerdo.
Serekkomarê Tirkîya roja pancşeme roja awanbîyayîşê Parlamentoya Tirkîya de destê parlamenter û endamê Heyeta DEM Partî Sırrı Süreyya Önderî tepêşt û ey dir qisey kerd.
Buldane pêvînayîşê Önder û Erdoganî ser va: "Rêzdar Serekkomarî Rêzdar Sırrı Süreyyayî rê vato, eger ma bêrê têhet, roşanî ra dima bo do hîna hewl bo."
