Qezaya Dîyarbekirî Hêne de bi nameyê" Ziwanan ser o Tesîrê Metnanê Miqedesan" yew konferans yeno dayene.
Konferans hetê Eğitim Senî ra tertîp beno û nuştox, cigêrayox û wayîrê Weşanxaneyê Roşna Roşan Lezgîn do sey qiseykerdox beşdarê konferansî bibo.
Koneranso ke nuştox û mamostayê ziwanî Mehmet Şah Aslan do moderatorîya ci bikero de Roşan Lezgîn babeta " Ziwanan ser o Tesîrê Metnanê Miqedesan" ser o malumatan bido.
Konferans do 9ê Teşrînê Peyenî roja yeweşemeyî saete 14:00 de Salona Beledîyeya Hêne de dest pêkeno.
Mehmet Şah Aslanî derheqê konferansî Zazakî Newsî rê qisey kerd û va ke : "Ma do 09.11.2024 seat 14.00 de salona beledîyeya Hêneyî de yew konferans bidê. Haweyo ke yeno zanayîş qezayanê Dîyarbekir ra Licê, Hêne û Pîran de hema zî bi yew hewayo xurt Zazakî yena qalîkerdiş. Semedo ke binhişê şarê ma de ena hayedarî ganî bimano gerek miyan ra xebatê winasî bêrê kerdiş. Ma zî waşt ke Hêne de mamosta Roşan Lezgînî reyde yew konferans bivirazî û şarê xwu hayedar bikerê."
Ca: Hêne / Beledîyeya Hêneyî
Saete: 14:00
Tarîx: 9ê Teşrînê Peyênî
Moderator: Memet Şah Aslan
Qiseykerdox: Roşan Lezgîn
Viraştox: Eğitim Sen