Goreyo ke ma zanayîş, dewêka Dêrsimî de şewa bîne şewat vejîyayo, çîke nêbîyo çewî la 150 donim erd vêşayo.
Goreyo ke Walîtîya Dêrsimî aşkere kerd, dewa Dêrsimî Pax de şewa bîne rîyê têlanê elektîrîkî ra şewat vejîyayo û adir demêko kilm de vila bîyo derûdor.
3 tîmê adirhewnakerdişî, 3 TOMA, 2 makîneyê karî û ekîbê Beledîyeya Dêrsimî midexaleyê agirî kerd. Şarê a mintiqa zî heta hewnakerdişê adirî ekîban rê ardim kerd.
Adir xeylê wext badê ame hewnakerdiş. Goreyo ke ame zanayîş rîyê şewatî ra 150 donim erd vêşayo.
Asma verîne qezaya Dîyarekirî Çinar de zî rîyê têlanê elektîrîkî ra şewat vejîyabi û netîceyê ci de 14 kesî, seyan heywanî merdbî û hezaran dolim erdo remite bibi wele.