Hetê Şaredarîya Bajarê Girdî ya Îstanbulî ra ame aşkerekerdiş ke bi organîzatorîya Enstutuya Îstanbulî ÎSMEKî, semedê musayîşê Zazakî na aşme kursê bêpere do bêrê akerdiş.
Semedê kursê Zazakî (Dimilî/Kirmanckî) prosesê qeydbîyayîşî dest pêkerdo. Demê qeydbîyayîşî 2ê na aşme de dest ci kerd.
Kesê ke wazenê dersa zazakî bigîrê hem eşkenê ri bi ri hem zî eşkenê bi online derse bigîrê.
Qeydê kursê bi perwerdeyê dûrî ra do 23/09/2024 de dest pê bikero. Kursî do bêpere bê.
Ame zanayîş ke, kursê ri bi ri do peynîya hewteyî qezaya Şîşlî de bêro dayîş. Kurs, do mabênê 21ê Êlule û 19ê sibate de bêro dayîş.
Cayê dayîşê kurdanê bi Zazakî Wendegehê Ziwanê yê Şîşlî û û Sncaktepe (Sarıgazî) yo.
Ayê ke Îstanbul de cuyenê û qayîlê Zazakî bimusê yan zî Zazakîya xo aver berê eşkenê keyepelê IBByî ser ra muracatê xo bikê û qeydê xo virazê.
Semedê qeydbîyayîşî bitikne