Hemşaredara Sêrtî Sofya Alagaş wexto ke rojnamegerîye kerdêne derheqê aye de bi îdîaya ‘endamîya rêxistine’ dewa ameybî akerdene.
Vizêr Mehkemeya Cezaya Girane ya 5. ya Amedî de cezaya 6 serran û 3 aşman dîyabî Hemşaredare Sofya Alagaş.
Wezaretê Karanê Zereyî yê Tirkîya badê ke ceza dîya Sofya Alagaş qeyûm tayînê şaredarî kerd. Polîsanê ke derûdorê şaredarî girewt binê ablûqa vat, herinda hemşaredaran de qeyûm ameyo tayînkerdene.
Dima ra Wezaretê Karanê Zereyî yê Tirkîya eşkera kerd ke Hemşaredara Sêrtî Sofya Alagaş wezîfe ra ameya girewtene û herinda ci de Walîyê Sêrtî Kemal Kizilkaya sey qeyûmî ameyo tayînkerdiş.