Goreyê îzahatê Sekreterê Pêroyî yê Şaredarîya Bajarê Girdî yê Amedî Emrullah Gordukî şoforanê resayîşê komkî bê qerar bêro girewtene fîyetê rayîrî kerdo vêşî.
Îzahatê Emrullah Gordukî wina yo:
RAYA PÊROYÎ RÊ
Ma pê hesîyayî ke bê ke qerarê UKOME'yî bibo şarî ra bi fîyetê zamkerdî pere yeno girewtene. Seba ke malîyet bîyo zêde, wayîrê wasitayan ra telebê vêşîkerdişî est bî la hema zî bi rayberîya ma hema zî minaqeşe beno. 13ê hezîrane roja panşemeyî kombîyayîşê UKOME'yî de qerar yeni girewtene. Coka, ma şarî ra wazenê ke wa bi fîyetê vaykerdî heq nêdê.
Ma zanê ke qerarê UKOME'yî ra dima do seba tay şarê ma zehmetî bibo. Ma sey Şaredarîya Bajarê Girdî yê Amedî Roşanê Qurbanî ra dima ma do fîloyê otobusanê xo newe bikê. Û sewbîna seba resayîşê komkî asinrayîrinî zî ekîbê ma yê teknîkî dest bi xebata fîzîbîlîteyî kenê. Demêkê kilmî de ma do rojeva şarê xo ra problemê resayîşî bivejê.
Sekretero Pêroyî yê Şaredarîya Amedî ya Şaristanê Girdî
Emrullah Gorduk