Cinîyan Diyarbekir de meyîtê Rojîn Kabaiş defin kerd. Rojîn bi tîlîlî û sloganan ameye heq kerdiş.
Wendekara unîversîte Rojîn Kabaiş a ke 21 serrî bîye, badê ke yurdê Unîversîteya Wanî ra vînî bîye, roja 18. de qeraxê golî de meyîtê aye ame vînayîş.
Meyîtê Rojîne ke seba defnkerdişî şawîya Dîyarbekir, Goristanê Yenîkoyî yê Diyarbekirî de bi beşdarîya seyan kesan ame heq kerdiş.
Badê nimajê cenazeyî cinîyanê ke meyît eşt milê xo ser, bi tîlîlîyan meytê Rojîn heq kerd.
Parlamenterê DEM Partî yê Diyarbekirî, Hemşaredara Bajarê Girdî Serra Bucak, Hemşaredarê Wanî Neslîhan Şedal a ke Wan ra semedê merasîmê cenazeyî ameybî, cinîyê bajarî û bi seyan kesî merasîmê cenazeyî de bîy.
Se bîbî?
Rojîn Kabaîş 27ê Êlule de embazanê xo ra va ke, şona qeraxê golî û kerayan arê dana.
Rojîn Kabaîş wendekara Unîversîteya Yuzuncu Yilî ya Wanî bîye.
Roja bîne telefonê aye qeraxê golî de vejîya û 18 rojan ra dima meyîtê aye kişta golî de ame dîyayîş.
Wezîrê Karê Zereyî yê Tirkîya Alî Yerlîkaya vizêr îlan kerd ke meytê aye qeraxê Gola Wanî de ameyo dîyayîş.
