Dezgeya Hewayî ya Tirkîya seba zaf bajaranê Vakurê Kurdîstanî hîşyarîya vewre û varanî û seba mintiqa berzan zî hîşyarîya hewresî da.
Dezgeya Hewayî da zanayîş ke heme Tirkîya û Vakurê Kurdîstanî de hewa hewrin o û seba Vakurê Kurdîstanî hîşyarîya vewre û varanî da.
Ewro bajaranê Erzirumî, Qersî, Meletî, Wanî, Mûşî, Çewlîgî, Dêrsimî, Bedlîsî, Erdexanî, Xarpêtî û Erzinganî de vewre varena û germîye 1-3 derace kewena.
Ancî zî tay bajaranê Vakurê Kurdîstanî de şewa germîye heta bînê sifirî bi 10 deraceyan kuwena.
Bajaranê Dîyarbekir, Semsûr, Dîlok, Êlih, Mereş û Sêrtî de vewre û varan pîya varenê û bajaranê Riha û Kilîsî de zî varan vareno.