ÎSTANBUL - Weşanxaneyê Avesta yo ke kitabanê kurdkî hadre keno û çap keno, 30 serrîya xo temam kerde.
Weşanxaneyî 30 serrîya xo ser o yew beyanat vila kerd û wina va: "Ma pîya dest pêkerd; nuştox, weşanger, wendox, vilaker, kitabxane... Ma pêro pîya ziwanê xo de bêwende bîme, ziwanê ma qedexe bi."
Avesta dewamê beyanatê xo de va: "Emser bi 30 serrî, ma kitabê 900î zî çap kerd, heta peynîya serre hedefê ma kitabê 1000î yo. Sipasîyêka zerrî û can ra seba wendoxan, seba her kesê ke bîyê şirîkê barê ma, sipas nifşê ke heta ewro ma pîya ameyî rê, sipas kesanê ke nika ra tepîya ma do pîya rayîr ra şîme rê. BI SERFÎRAZÎ."
No mîyan de yeno zanayîş ke Weşanxaneyê Avesta bi çapkerdişê 900 kitaban dewrêko muhîm yê weşananê kurdkî de rolêko gird kay keno.