Qezayanê Azarpêrt, Kanîreş, Gêxî, Xorxol û Çêrme yê Çewlîgî de ewro seba vewre wendegehî ameyî girewtiş.
Walîtîya Çewlîgî eşkera kerd ke, seranserê bajarî de varayîşê vewre û şertê xiraban ê hewayî dewam kenê.
Goreyê qerarê Walîtîye, pêro qezayanê Azarpêrt, Kanîreş, Gêxî, Xorxol û Çêrme de û qesebeya Xoşkar û Dewa Geylana Ewase ya merkezî de ewro wendegehî ameyî girewtiş û perwerde nêyeno dayîş.
Heto bîn ra karkerê ke gebe yê û karkerê astengdarî yê dezgehanê resmîyan eşkenê nêşêrê kar û bi destur yenê hesibnayîş.
