Dêra Surp Gîragos ya Amedî de Roşanê Paskalya bi ayînan ame pîrozkerdiş
Ayîn hetê Keşe Arsen Ekînciyan ra ame rayberkerdiş
Keşeyî zî beşdarê ayînî bîyî û ayîn de mesela Hewa û Ademî ya ke Încîl de esta ameye vatene. Keşe Arsen Ekînciyani, qiseyê xo de behsê muhîmbîyayîşê aştî û waye û biratîye kerd.
Henserekê Şaxa Amedî yê DEM Partî Gulşen Ozer û Abbas Şahîn, Hemserekê Şaredarîya Bajarê Girdî yê Amedî Serra Bucak û Dogan Hatun, hemşaredarê qezayan, Parlamenterê CHP yê Amedî Sezgîn Tanrikulu û zaf kesî beşdarê pîroîya Roşanê Paskalya bîyî.
Badê ke merasimê ayînî qedîya, Roşanê Paskalya bi kade û hakan ame pîrozkerdiş. Welatîyê ke ameyê dêre, findî veşnayî û dua kerdî.
Hetkarê Serekê Weqfa Dêra Ermenî ya Surp Giragosî Ohannes Gafur Ohanyan derheqê Rojanî de qisey kerd û Roşanê pêroyê Xristîyanê dinya pîroz kerd.
Ohanyanî va:
"Ma hêvî kenî ke no roşan seba pêroyê însanan bibo wesîleyê aştî û weşîyan.
Ma Roşanê her kesî pîroz kenî. Ma hêvî kenî ke n roşan seba her kesî weşîyan bîyaro."
