ZAZAKÎ NEWS - Tîma futbolî ya Dihokî vera tîma futbolî ya Qadisiyeyî ya Kuweytî 2-1 bi ser kewt û bi Şampîyonê Kluban ê Ereban.

Hefteyo vîyarte Dihok û Qadisiye tûra yewine ya fînalî ya Şampîyonê Kluban a Ereban de Kuweyt de ameybî têver û maç 0-0 bi peynî bibî.

Dihok û Qadisiye ewro tûra diyine ya fînalî de stadyumê Dihokî de ameyî têver.

Dihok her çiqas ke nîmeyo yewin de vera Qadisiyeyî weş kay kerd zî zaf pozîsyonan ra fayde nêgirewt.

Nîmeyê maçî bêgol peynî bi.

Dihok o ke zêdeyêr kontrolê kaykerdişî destê ey de bi, deqîqeya 66. de bi golê Siyabend Egîdî 1-0 kewt vernî.

Deqîqeya 69. de kaykerdoxê Qadisiyeyî Mihemed Solêyî cewabê Dihokî da û skor bi 1-1.

Nê golî ra dima, Dihokî tesîrê xo hîna zêde kerd û  tira netîce girewt.

Kaykerdoxê Brazîlî yê Dihokî Marlon Santosî deqîqeya 90+2. de gola diyine ya Dihokî eşte û skor bi 2-1.

Deqîqeyanê mendeyan de golî nêameyî eştene û maç 2-1 bi serkewteya Dihokî bi peynî bi û Dihok bi şampîyon.

Reya yewine ya ke yew tîma Îraq û Herêma Kurdistanî na kupa gêno.

S D S

Gfhf-1