Şaredarîya Amedî ya Şaristanê Girdî, seba ke Narîn Gurana 8 serrî ke 7 rojî yo vîndî bîya bêro dîyayene, heme wesayîtanê resê komkî yê zereyê bajarî ra afîşî aliqnayî.
Xebatê gêrayîşê Narîn Gurana 8 serrî ke 21ê Tebaxe de Taxa Tavşantepeyî ya dewa Baglarî de badê ke Kursê Quranî ra vejîyaya, reyna xebere aye nêgêrîyaya, roja 7. de dewam kenê. Seba ke Narîn Guran bêro dîyayene, Şaredarîya Amedî ya Şaristanê Girdî zî heme îmkanê xo seferber kerdî û piştî dana xebatanê gêrayîşî.
Na çarçewa de, ekîbê Îtfaîyeyê Şaredarîya Şaristanê Girdî xebatanê gêrayîşî dewam kenê, Serekîya Daîreya Resî zî heme otobusanê resê komkî yê zereyê bajarî û qezayan de afîşê ke resim û melumatê têkilîya Narîn Guran ser o yê, aliqnayî. Afîşî de "Kesê ke Narîn Gurana ke 21ê Tebaxe de Taxa Tavşantepeyî ya Baglarî de vîndî bîya, vînenê, rica yena kerdene ke bi numarayanê 112 û 153 ra têkilî ronê" ameyo nuştene.
