Şaredarîya Amedî ya Şaristanê Girdî, çarçewaya hetkarîya Remezanî de keyeyanê ke hewcedarîya înan est a, ci rê kolîyê xidayî dayî.
Serekîya Daîreya Xizmetanê Sosyalan seba ke cuya şarî ya komelkî û ekonomî rê piştî bido, xebatanê xo dewam kena.
Ekîbî ke badê ameyîşê aşma Remezanî xebatê xo dewam kerdî, muracatê ke verê ameybî kerdene, bi detay ameyî kontrolkerdene.
Mudirîya Şûbeyê Hetkarîya Sosyale, 600 keyeyê ke kontrolî ra dima ameybî tesbîtkerdene, înan rê kolîyê xidayî ameyî vilakerdene. Kolîyê xidayî û destekê sosyalî ke goreyê şertê cuya hewcedaran hazir bîyê, do pêroyê serre de dewam bikê.
