ZAZAKÎ NEWS - Qezaya Peyasî ya Wîlayetê Amedî de pêrodayîşê mabênênê di grûban de kesêk merd û yewê xo polîs 13 kesî birîndar bîyê.
Pêrodayîş saetê şanî de taxa Huzurevlerîyî ya qezaya Peyasî ya Amedî de vejîya.
Goreyê zanayîşan mabênê di grûban de sebebêkê nêbewlî ra lej vejîyayo.
Goreyê Walîtîya Amedî encamê pêrodayîşî de kesêk bi nameyê ey Ferhat Tanguler merdo û yewê xo polîs 13 kesî birîndar bîyê.
Wexto ke pêhesîya lej vejîyayo gelêk polîs û ekîpê weşîye şîyê cayê bîyayîşî.
Goreyê zanayîşan polîsêko sîvîl ke waşto pêrodayîşê her di grûban vindarno, bîyo hedefê guleyan û birîndar bîyo.
Ekîpê weşîye polîs û 13 kesanê bînan berdê nêweşxaneyê bajarî.