ZAZAKÎ NEWS - Qezaya Dêrsimî Pilemurîye de çend roj verê cû Taxa Ataturkî de Bînalî Çetînkaya wexto ke seba weykerdişê heywananê xo şîyo hêga, rastê hêrişê heşêk ame. Netîceyê hêrişî de Çetînkaya milê xo ra birîndar bi.
Gama ke heşî xij kerd 31 bizê ke ê birayê ey bî, ver bi daristanî remayî.
Seba heywananê vîndîbîyayeyan xebatê cigêrayîşî dîyayî destpêkerdiş û tîmê cendirme û AFADî zî bi droneyan paştî dayî nê xebatan.
Netîceyê cigêrayîşê hîrê rojan yê xidarî de, ame tespîtkerdiş ke bizî nêzdîyê dewa Hîverî ya Pilemurîye de hetê heşan ra ameyî telefkerdiş.
Bînalî Çetînkaya bîyayîşî ra qisey kerd û va ke hem o bi xo hem zî birayê ey zaf mexdûr bîyî û rayedaran ra desteg waşte.
Çetînkaya va: "Ma bi zor canê xo xelesna, heywananê ma merdî. Ma wazenê ma rê wayîr bêro vejîyayîş."
