ZAZAKÎ NEWS - Qezaya Entabî Oğuzelî de, Asiye Baytap a 25 serrî keyeyê xo de merde ameya dîyayîş.
Ame tespîtkerdiş ke cinîya ciwane bi xeniqnîyayîşî ameya kiştiş û derheqê mergê aye de zaf kesî ameyî tepiştiş.
Merdimê Baytap, a ke Taxa Hurrîyetî ya qezaya Oğuzelî ya Entabî de sey karmenda pakkerdişî yew mekteb de xebitîyêne, seba ke aye ra xebere nêameye girewtiş xebere dîya polîs û nêweşxane.
Agahdarkerdişî ser, ekîbê ke nîmrojî ameyî cayê bîyayîşî, dîyî ke cinîya ciwane bêhereket rakerde ya. Tîmê weşîye kontrolanê xo de vatî ke Baytap cuya xo vîndî kerda.
Cigêrayîşê destpêkî yê cayê bîyayîşî de, ame tespîtkerdiş ke Asiye Baytap bi xeniqnîyayîşî ameya kiştiş. Cenazeyê cinîya ciwane seba tespîtkerdişê sebebê mergî, neqlê morgê Sazîya Tipê Edlî bi.
