Amed de Karakopruyê Yenîşehîrî de (Fîdanlik) hawizê asnawe yê cinîyan de tadîlatê ci qedîya, beşdarê akerdişê ci bîye. Bi akerdişê hawizî û 90 cinîyan reyde pîya kursê asnawe dest pêkerd.
Serekîya Daîreya Xîzmetê Cinî û Aîleyî, Karakopruyê Yenîşehîrî de tadîlatê hawizê asnawe yê cinîyan kerd. Akerdişî de Hemşaredara Amedî ya Şaristanê Girdî Serra Bucak, Hemşaradara Yenîşehîrî Safîye Akdag, Hetkara Sekreterîya Pêroyî Zerîn Turk, serekê daîreyan û endamê meclîsî beşdar bîyî.
Hemşaredare Bucak, akerdişî ra dima cinîyan reyde sohbet kerd û tesîsî de etud kerd.
90 cinî kursê asnawe ra îstîfade kenê
Bi akerdişê hawizî, Serekîya Daîreya Xîzmetê Cinî û Aîleyî muracatê cinîyan yê taxanê dejavantajanin erjnayî û 29 temmuze de kursê asnawe da destpêkerdene. Bi perwerdekaranê profesyonelan cinîyan rê perwerdeyê asnawe yeno dayene û do 5 hewteyî dewam biko. 90 cinî beşdarê kursî bîyî ke Merkezê Cuya Cinîyan yê Lalebey, Berê Mardînî û Benûsenî de muracatê xo kerdo.
Kursê asnawe aşma êlule de bi beşdarîya kursîyeranê newîyan reyna dewam kenê.
