Mêmanê ke seba Kombîyayîşê hempare yê Komîteya Îdare û Konseyî yê UCLG-MEWA'yî ke bi mêmandarîya Şaredarîya Amedî ya Şaristanê Girdî ameyo viraştene ameyî şaristan, Pirdê Des Berin û Kela Zerzewanî ra gêrayî.
Seba mêmananê ke beşdarê kombîyayîşê hempare yê Komîteya Îdare û Konseyî yê Teşkîlatê Herêmî yê Rojhelatê Mîyanên û Asya Rojawanî yê Şaristananê Yewbîyayeyan û Rayberîyanê Herêmkîyan (UCLG-MEWA) ke 23-24ê Teşrîna Verêne de bi mêmandarîya Şaredarîya Amedî ya Şaristanê Girdî ame viraştene, seba cayê tarîxî û kulturî yê şaristanî xebata gêrayîşî ame organîzekerdene.
Rehberê Mudirîya Şûbeyê Turîzmî ya girêdayeya Serekîya Daîreya Kulturî û Karê Komelkîyan, xebata gêrayîşî de bi îngilîzkî û erebkî derheqê cayê tarîx û kulturî yê Amedî de melumatî dayî mêmanan.
Mêmanê ke endamê Meclîsê Şaredarîya Şaristanê Girdî û personelî înan reyde bîy, verê Pirdê Des Berinî ra gêrayî û derheqê pirdî de melumatî girewtî û fotografê vîrardişî girewtî.
Dima mêmanî şîyî Kela Zerzewanî ya tarîxî. Mêmanê ke menzereya bêhemsale ya Kela Zerzewanî ra mat bîy, derheqê kele de rehberan ra melumat girewtî. Badê gêrayîşî mêmanan rê werd ame dayene.
Mêmanan ke va înan eleqeya ke dîya, tira zaf keyfweş mendê, agêrayî welatê xo.
