Ewro serê sibayî Dîyarbekir de polîsan eşt Komela Cigêrayîşanê Ziwan û Kulturî ya Mezopotamya (MED-DER) û Payîz Pirtûk ser.
Goreyo ke ame mûsayîş her di cayan de cigêrayîşê polîsan hîna zî dewam keno.
Heto bîn ra vajîya ke polîsan eşto keyeyê rayberanê MED-DERî û Payîz Pirtûkî ser û zaf kesî ameyî girewtiş.
MED-DER, bi serrano ke her di lehçeyanê Kurdkî (Kurmancî- Zazakî) kursê ziwanî dano.
Payîz Pirtûk zî kitaproş o û zafê xo kitabanê Kurdkî roşeno.
Nameyê rayberê MED-DERî ke ameyî girewtiş:
Hemserekê Komele Mehmet Remzi Azizoglu û Şuklan Yakut, Rayberê bînî: İlyas Gun, Dilan Guvenç, Yaşar Aslan, Beritan Gurbet Orak, Mustafa Açmaz, Ramazan Holat, Rezan Tulum, Mehmet Salih Ongun, Hebûn Yagmur, Ayhan Karatekin.