Enwer Yılmaz
ZAZAKÎ NEWS - Serekkomar Recep Tayyîp Erdoganî aşkere kerd ke, o do siba heyeta DEM Partî dir bêro têhet.
Verê Roşanê Remezanî heyeta DEM Partî bi resmî semedo ke Serekkomar Recep Tayyîp Erdoganî dir pêvînayîş bikero muracat kerdbi.
Erdoganî ra amebi perskerdiş ke “Gelo ti DEM Partî dir pêvînayîş kenî yan ney?”
Erdoganî zî vatbi; “Hevalê ma înan dir qisey kenî. Îcab bikero ez zî qisey bikerî.”
Erdoğanî ewro qiseykerdişê xo de aşkere kerd ke, o haziro ke DEM Partî dir bêro têhet.
Rayberê AKP zî dayê zanayîş ke Erdogan do siba heyeta dem Partî qebûl bikero.
Heyeta DEM Partî ke do Erdoğanî ziyaret bikero de kamî estê û pêvînayîş çi ca de bêro kerdiş ser hema yew malumat nêameyo girewtiş.
Yeno pawitiş ke heyeta DEM Partî do derheqê pêvînayîşê Îmralî ke Serekê PKK Abdullah Ocalanî dir benê, prosesê çekronayîşê PKK û meseleya Kurd ser o malumat bidê Erdogan.
Xeylê wexto ke mabênê Erdoganî û DEM Partî de problemî estê û yewbînan ra dûrî vindenê.
Bin ê pêvînayîşî yeno pawitiş ke mabênê her di hetan de nermîye bivirazîyo û Erdogan semedê heqanê Kurdan gaman bierzo.
