Goreyê raporê bianetî, camêrdan aşma Gulane de tewr kêm 26 cinîyî û yew gede kiştê. No rapor mojneno ke camêrdan tewr kêm 68 cinîyî birîndar kerdê û tewr kêm 50 gedeyê kênayî û lajî îstîsmar kerdê.
Goreyê xeberanê ke bianetî rojnameyanê herêmî û neteweyî, keyepelanê xeberan û ajansan ra arê kerdê, camêrdan menga Gulane de tewr kêm 26 cinîyî û yew gede kiştê.
Camêrdan 68 cinîyan ser o şîdet kerd, 50 domananê kêna û lajî rê îstîsmarê cînsî kerd, tewr kêm 10 cinîyî tacîz kerdê. Onca camêrdan menga Gulane de 277 cinîyî mecbûrê karkerîya seksî kerdê.
Camêrdan 16 cinîyî keyan de, 10 cinîyî zî teber de kiştê. Camêrdan bi çekan 17 cinîyî, bi kardî 7 cinîyî kiştê. Camêrdan, yew cinîye bi xeniqnîyayîşî, yew cinîye zî bi pirodayîşî kiştê.
