ZAZAKÎ NEWS - Roşanê Qurbanî ra çend rojî mend û welat de semedê roşanî hadrekarî dewam kenê. Roşan 6ê Hezîrane yanê roja îne (yene) dest pêkeno.
Gelo roşan de hewa senîn o?
Roja Roşanê Qurbanî, a ke 6ê Hezîrane de dest pê kena, Dêrsim, Çewlîg û Amed de hewa do germ û roşin bo. Varan do nêvaro. Goreyê Metorolojî, hîrê bajaranê ma de zî varan çîn yo û dereceyê germîye do normalê hamnanî de bo.
Dereceyê germîye (Texmînî):
- Dêrsim: Yeno pawitiş ke dereceyê germîye do 25-30 derece bo.
- Çewlîg: Yeno pawitiş ke do dereceyê germîye 28-33 derece bo.
- Amed: Yeno pawitiş ke do dereceyê germîye 30-35 derece bo, belkî hîna germêr bo.
Wazîyetê hewayî yê nê hîrê bajaran, seba roja qurbanî, plananê gêrayîşî yê şarî rê yew avantaj pêşkêş keno. Welatîyî eşkenê bê tersa varanî yan zî hewayê xirabî plananê xo virazê.
