Şefîk Aygöl o Batmanij, Dêrsîm de sey Walî û Qeyûmê Beledîye dest bi wezîfeyê xo kerd.
Dêrsim de badÊ krîzo ke seba yadkerdişê Riza Altun û Alî Haydar Kaytanî vejîyabî, walîyo verên îstîfa kerdbi û herinda ey de Şefîk Aygöl ame tayînkerdiş.
Aygöl o ke Bîleciq ra tayînê Dêrsimî bi, dest bi wezîfeyê xo yê Dêrsimî kerd.
Aygölî resmê xo yê verên ê Dêrsimî zî bi notê "Dêrsim de yew destpêko newe. Xeyrîn bo" pare kerd. Seba ke Şaredarîya Dêrsimî, a ke DEM Partî îdare kerdêne rê qeyûm ame tayînkerdiş, Aygöl do sey qeyûm zî wezîfe bikero.
Şefîk Aygöl kam o?
Şefîk Aygöl, o ke Batman de ameyo dinya, serra 2001 de bîyo namzedê qeymeqamîye yê Sêrtî. Aygöl, o ke Îngilîzkî baş zano, serra 2004 de Sekreterîya Pêroyî ya Asayîşê Mîllî de kursê dîplomasîya komelî, serra 2005 de zî Dewrê Kursê Qeymeqamîye bi serkewteyî qedîna û dest bi wezîfeyê qeymeqamîye kerdo. Aygöl, peynî de wezîfeyê Walîtîya Bîleciqî kerde.
