ZAZAKÎ NEWS - Mujica, siyasetmedarêko şorişger bi û ciwanîya xo de vera dîktatorîya Uruguayî beşdarê micadeleyê çekdarî bibi. Wextêko derg hepisxane de mend û badê bi serekê a dewlete. Mujica meaşê xo feqîran rê verda û wesîyet kerd ke wexto ke o merd, wa ey kişta kutikê ey defin bikerê.
Serekê veren ê Uruguayî José "Pepe" Mujica roja Sêşeme 13ê Gulane de 89 serrîya xo de şi heqîya xo ser.
Mujica de nêweşîya rîşa merdimwere estbî û paytextê Uruguayî Montevideo de merd. Mujicayî eşkera kerdbi ke semedê weşbîyayîşî do tedawî nêbo û tedawîya qansêrî red kerdbi.
Gerîlayê Tupamarosî bi
Gerîlayê Tupamarosî vera dîktatorî de micadele kerdêne. Mujica zî wextê xo de yew gerîlayê Tupamarosî bi. Mujica gerîlatîya bajarî kerdêne û 14 serrî hepisxane de mendbi.
Badê ke dîktatorî serra 1985 de rijîya, Mujica verî hukmat de sey Wezîrê Zîretî xebitîya û badê cû serra 2010 ra heta 2015 sey Serekomar wezîfe kerd.
Mujica wextê serekîya xo de reformê pîlî kerdbî.
Pepe eşkera kerd ke o do serranê xo yê peyênan cinîya xo reyde keyeyê xo yê Montevideo de bivîyarno. Mujica meaşê xo feqîran rê verda û wesîyet kerd ke wexto ke o merd ey kîşta kutikê xo de defin bikerê.
