Bi Zazakî ferhengeko newe ameyo hadrekerdiş. Bi nameyê Ferhengêkê Sîyaset û Dîplomasî Bi Tirkî-Zazakî-Îngilîzkî yewna ferheng ameyo hadrekerdiş.
Fergeng bi muhtewaya xo ziwanê ma de ferhengêko yewin o û hetê Esat Şanliyî ra ameyo hadrekerdiş. Ferheng 87 rîpel o û kesê ke wazenê biresê ci eşkenê Înternet ser ra bi hawayêko PDF peyda bikerê û tira îstîfade bikerê. Goreyê vatişê Şanliyî ferheng mîyanê serrêke de ameyo temamkerdiş.
Destpêkê ferhengî de wîna ameyo nuştiş;
Merheba, wendoxê ercayeyî! Seke zanîyeno vêşîya berhemanê nûştekîyan ê ziwanêk sey nîşaneyêkê hêzdar û dewlemendbiyayîşê ê ziwanî hesebîyena. Kurdkîya Zazakîya ke nîmeyê seserra newyesine ra tepîya berhemanê nûştekîyan de ca girewta, ewro biya wayîrê bi hezaran berhemanê nûştekîyan. Her çende enê vîst serranê peyênan de humara kitaban ê enê ziwanî de vêşîbiyayîşêko muhîm biyero muşahedekerdene zî tayê wareyan de hewna zî talîyêka (vengayîyêka) pîle tecrube keno ke ganî biyero pirîkerdene. Enê wareyan ra yew zî sîyaset o ke cuya ma ya rocaneye ser o wayîrê tesîrêkê zaf pîlî yo. Ena xebate, cehdêkê pirîkerdişê talîya enê wareyî ya. Helbet rixmê çimraravêrJşan de beno ke tayê kemasî yan zî xetayê ci estbê. Umîd kena ke do ameyox de wareyê sîyaset û dîplomasî de bi Zazakî xebatê rind û hîrayêrî biyerê kerdene û korpusê (kullîyatê) ziwanî yo sîyasî bibo dewlemendêr. Wendişo weş!
Kesê ke wazenê peyda bikerê eşkenê nê lînkî ser ra peyda bikerê