Festivala Borega Kurdan a hewtine Îstanbul de ame kerdene û festîval de vera asîmîlasyonî reaksîyonî ameyî nîşandayene.
Komela Ardimê Komelkî, Averşıyayîş û Kulturî ya Gêxî-Dep-Azarpêrt-Xorxol-Çêrmeyê (KAYY-DER) Parka Mîmozaye ya Beykozê Îstanbulî de 7. Festivalê Borega Kurdan viraşte.
Festîval de pankartê Zazakî û Tirkî yê KAYY-DERî ameyî akerdene û sloganê “Ma vera veşnayîş û talanê Çewlîgî de xoza û cayê ciwîyayîşî pawenî" ameyî berz kerdene. Parlamenterê DEM Partî Ayten Kordu, Celal Firat, Omer Faruk Hulaku, îdarekerdoxê bajarî yê DEM Partî, Parlamenterê CHP yê Amedî Sezgîn Tanrikulu û zaf kesî beşdarê festîvalî bîyî.
Festival, bi pêşkêşkerdena Borega Kurdan dest pêkerd. Dima zî vera dawul û zurna de govend ame gêrayene û dengbêjan deyîrê xo vatî. Badê cû zî Koma Govende ya Dîlane amey sehne.
Serekê Komîsyona Amadekerdoxe ya Festivalî Azîz Enul va ke Borega Kurdan êdî gastronomi de bîya yew sektor.
Badê qiseykerdışan, hunermendan ame sehne û festival bi gêrayîşê govende dewam kerd.
