Hemşaredara Dêrsimî Birsen Orhan a ke herinda ci de qeyûm ame tayînkerdiş û cezaya hepsê keyeyî dîyaybî ci hîrê rojî vere cû keyeyê xo yê Pertagî de ameybî tepiştiş û erzîyaybî hepisxane.
Bîrsen Orhane badê îtîrazê avukatanê xo hewro serbest amey veradayîş.
Hemşaredara Dêrsimî Birsene Orhana ke badê tayînkerdişê qeyûmî ameybî tepiştiş û 24ê teşrîna peyêne de cezaya hepsê keyeyî dîyaybî ci, Orhane badê zî erzîyaybî hepisxane
10 tenî erzîyayê hepisxane
Wzaretê Karanê Zereyî yê Tirkîya 22ê Teşrîna Peyêne qeyûm tayînê Şaredarîya Dêrsîmî ya DEM Partî û şaredarîya Ovacikî ya CHP kerdbi. Vera tayînkerdişê qeyûman Dêrsim de protestoyî zî dewam kenê. Heta nika hemşaredara Dêrsîmî Birsen Orhan zî mîyan de 10 tenî seba protestokerdişê qeyûman erzîyayê hepisxane.
Se bibi?
Wezaretê Karanê Zereyî yê Tirkiya qeyûm tayînê şaredarîyanê Dêrsim û Pilûrî kerd.
Wezaretî aşkere kerd ke, Hemserekê Şaredarîya Dêrsimî yê DEM Partî Cevdet Konak dewaya “endamtiya PKK/KCK” ra 6 serrî û 3 aşmî cezaya hepisxaneyî girewto û nê sebebî ra wazîfe ra ameyo durîvistiş.
Herinda Cevdet Konakî de, walîyê Dêrsimî Bulent Tekbiyikoglu sey qeyûm ame tayînkerdiş.
