Serek û endamê meclîse yê şaredarîya Dêrsîmî ke ci rê qeyûm amebi tayînkerdiş, kombîyayîşê Meclîsê Şarederîye yê aşma kanûne mîyanê şarî de bikero.
Dêrsim de heyeto ke Hemşaredarê Dêrsimî Cevdet Konak, Wekîla Dêrsimî Aytene Kordu û endamanê Platformê Kede û Demokrasîyî ra yeno pê esnaf û şar zîyaret kerd.
Zîyaretan de taxanê Gazik û Sihenkî de ame aşkerekerdiş ke, 3ê kanûne de saete 10.00 de, Sûka Yeraltiyî de Kombîyayîşê Meclîsê Şaredarîye yê aşmaa kanûne do bêro kerdiş. Heyetî venga şarî da ke wa bêrê kombîyayîş
Cevdet Konako ke herinda ci de qeyûm ameyo tayînkerdiş, da zanayîş ke, bi qeyûman destkewteyê şarî ameyê xespkerdiş û venga şarî da ke wa bêrê kombîyayîş.
Aytene zî vat: ''Vera elewîyan, kurdan û hêzanê demokrasîyî polîtîkayê dişmenîye yenê kerdiş. Qeyûm zî nê polîtîkayan ra yew o. Coka ma vanê ke ma sereyê xo verê tepiştişan de nêarê war. Her ca de ma seba azadîye û demokrasîyî têkoşîn bidê.''
10 tenî erzîyayê hepisxane
Wzaretê Karanê Zereyî yê Tirkîya 22ê Teşrîna Peyêne qeyûm tayînê Şaredarîya Dêrsîmî ya DEM Partî û şaredarîya Ovacikî ya CHP kerdbi. Vera tayînkerdişê qeyûman Dêrsim de protestoyî zî dewam kenê. Heta nika hemşaredara Dêrsîmî Birsen Orhan zî mîyan de 10 tenî seba protestokerdişê qeyûman erzîyayê hepisxane.
