ZAZAKÎ NEWS - Panela erdlerzî ya ke Çewlîgî de do bêro viraştene, verê destpêkerdişî, salona konferansî bîne awe de mend. No bi sebebê hêrsan.
Hetê Heyetê Koordinasyonî ya Bajarê Çewlîgî ya TMMOB ra, bi amancê hayîdarîya derheqê tehlûkeyê erdlerzî yê Çewlîgî de, Prof. Dr. Nacî Gorur zî sey qiseykerdox seba panelî ame dawetkerdiş. Ame plankerdene ke panel saete 15:00 de Salonê Konferansî yê Şaredarîya Çewlîgî de dest pê bikero. La belê, verê çalakîye, salonê konferansî binê awe de mend.
Ekîbanê şaredarê dest ci kerd ke pê satilan salone awe ra bixelesnî.
Prof. Dr. Nacî Gorur o ke verê panelî ame salon, tayn wext rewşa awe ya zereyê salonî kontrol kerde. Dima, Gorur salonê konferansî ra şi.
Ame îlankerdene ke badê temamkerdişê xebata ekîban, panel do dest pê bikero.
Parlamenterê DEM Partîyî yê Çewlîgî Omer Farûk Hulakî, medyaya komelkî ser wina tepkîya xo nîşan da: "Salonê Konferansî yê Şaredarîya Çewlîgî, ke tede Erdzanê Prof. Dr. Nacî Gorurî do konferansa erdlerzî bidaye, varanan reyde binê awe de mend. Şima amadekarîya erdlerzî va? Gelo mumkin o ke şaredarîyêka ke nêşena binaya xo bipawo do senî tedbîranê erzlerzî bigîro?"