ZAZAKÎ NEWS - Camêrdan aşma Adare de tewr tay 59 cinîyan ser o şîdet kerdo. Camêrdan, tewr tay 15 tutê keynekî û lacekî îstîsmar kerdê û 10 tutî kiştê.
Goreyê xeberanê ke bianetî rojnameyanê herêmî û neteweyî ra, keyepelanê xeberan û ajansan ra arêdayê, camêrdan aşma Adare de tewr tay 24 cinî û 10 domanî kiştê.
Camerdan tewr tay 59 cinîyan ser o şîdet kerdo, tewr tay 15 domanê keynekî û lacekî îstîsmar kerdê, tewr tay 20 cinî tacîz kerdê. Ancîya camêrdan menga Adare de 56 cinî mecburê karê seksî kerdê.
Bursa de cinîyêke heqê xo yê xopawitişî kar ardo û mêrdeyê xo ke aye û domananê aye ser o şîdet kerdêne, kişto.
Kiştiş
Camêrdan aşma Adare de tewr tay 24 cinî kiştê; par heman aşme de na hûmare reyna 24 bîye. Ancîya camêrdan, di camerdê ke waştîyê cinîyan bî, ê zî kiştê.
Qerarê pawitişî reyde camerdan tewr tay hîrê cinî kiştê.
Cinîyê ke camêrdan ê Adare de kiştê
Cansever S., Damla Bakiler, Dilan A., Fatma Kara, Fatma Y., Fikriye A., Fikriye Turgut, Gülnur A., Halime A., Hatice Göktaş, Hatice Kış, Havva A., Havva Y., Merve Nur Yararlık, Nazan Deniz Bakiler, Nesibe E., Nesrin P., Ö.K., Sabriye Törköz, Sevcan Demir S., Sevcan Y., Sultan U., Şeyma Gökçe, Valentina Gurgenadze.
Bajarê ke camêrdan ê tede kiştê
Agirî (1), Ankara (1), Dîlok (1), Antalya (1), Aydın (2), Çorum (1), Amed (3), Îstanbul (4), Îzmir (2), Karaman (1), Konya (1), Kütahya (1), Mersin (1), Samsun (1), Şirnex (1), Tekirdağ (1), Uşak (1).
Çime: Bîanet