Mabênê rayîrê Dîyarbekirî û Çewlîgî mintiqaya Yekmal de qezayêka giran bîya. Çar kesî merdî û 40 kesî zî birîndar ê.

Otobusê raywanan yo ke aîdê şirketê Mêrdîn Seyahatî bi û Nisêbîn ra şîyêne Çewlîg, rayîrê Dîyarbekir-Çewlîgî de mintiqaya Yekmal de  kontrolî ra vejîya û qeldîya.

Qeza de 4 kesî merdî û 40 kesî, ke tayê înan rewşa xo giran a, birîndar bîy.

Goreyê melumatî ke ame girewtene, qeza rayîrê Darahênî-Dîyarbekirî de Dewa Yekmale de ameya meydan. 

Dima ke xebere ameye dayene, zaf ekîpê weşîye, îtfaîye û cendirmeyan şawîyayî mintiqa. Qeza de 4 kesî merdî û 40 kesî, ke rewşa tayê înan giran a, birîndar bîy. Ame vatene ke hema tayê kesî binê otobusî de yê.