Îdîanameya Ekrem Îmamogluyî hetê Buroyo Tehqîqatê Sucê Terorî yê Serdozgerîya Komare ya Stenbolî ra ameya amadekerdiş. Îdîaname de ameyo waştiş ke Îmamoglu bi 7 serran bêro cezakerdene.
Îdîanameya ke derheqê Şaredarê Şaredarîya Bajarê Girdî ya Stenbolî Ekrem Îmamogluyî de ameya amadekerdene qebul bîye. Îdîaname seba vatişanê Îmamogluyî yê derheqê Serdozgerê Komare yê Stenbolî Akin Gurlekî de ameya amadekerdiş.
Ronişteyo yewin do 11ê Nîsane de bo
Ame dîyarkerdiş ke Ekrem Îmamogluyî qiseykerdişê xo yê yew panelî de Serdozgerê Komare yê Stenbolî Akin Gurlekî kerdo hedef. Dadgeya Cezaya Girane ya 14. ya Stenbolî zî vatişê Ekrem Îmamogluyî sey suc hesibna û qerarê muhakemekerdişÊ Îmamogluyî da.
Îmamoglu zî çarçewaya dewaya Beylîkduzuyî ya ke Edlîyeya Buyukçekmeceyî de dewam kena de do eynî roje vejîyo verê dadgerî.
Dozgerî îdîaname de waşto ke Îmamoglu 2 serrî û 8 aşmî ra hetanî 7 serrî û 4 aşmî cezaya hepisî bigêro.
