ÇEWLÎG - Çewlîgê Vakurê Kurdîstanî de yew otobusê raywanan qeldîya, 2 kesî canê xo vîndî kerdî û 16 kesî zî birîndar bîyî.
Ewro sere sibayî, rayîrê mabênê Erzirumî û Çewlîgî ser o, otobusê Şîrketa Cesur Bîngolî dorûverê Dewa Kumbetî de rayîr ra vejîya û qeldîya.
Qeza de 2 kesî canê xo vîndî kerdî û 16 kesî zî birîndar bîyî.
Qeza de, mîyanê raywanan ra Osman Zekî Tuncel (26) û cinîya ey Emîne Tuncel (20) merdî, 16 kesî birîndar bîyî. Ame zanayîş ke Osman Zekî Tuncel o ke doktor bi, newe tayîn bibî.
Xeberdayîş ser o cendirme û ekîpê weşîye şîyî cayê hedîse.
Ekîpê weşîye birîndarî berdî Nêweşxaneyê Dewlete yê Kanîreşî.
Badê mudaxeleyê verênî, ekîpê weşîye birîndarî berdî Nêweşxaneyê Dewlete yê Çewlîgî.