Projeyê Meydanê Bajarî yê Çoligî dewam keno
Şaredarîya Çolîgî vana ke, Projeya Meydanê Bajarî pê heme lezê xo dewam kena, do pê şeklê xo yê modernî qiymetê bajarî zêde bikero.
Xebatê Projeya Meydanê Bajarî yo ke par merkezê çarşîya Çolîgî de dest pê kerdbi, dewam kenê.
Goreyo ke ame zanayîş meydan pêro bîyo beton!
Par ra nat xebata proje dewam kena û proje destê Ziver İnşaatî de ya. Xora nika Çolîg de zafê projeyan destê Ziver Holding de yê.
Projeya Meydanê Bajarî ya ke cayê Dörtyolî de, Rayîrê Darahênî û Înönû resnena pê de viraziyena hîna zî nêqedîyaya.
Beyanatê Şaredarîya Çolîgî de derheqê Meydanê Bajarî de ame vatiş ke xebatê temamkerdişê Proje pê heme lezê xo dewam kenê û meydano ke merkezê Çoligî de yo do pê şeklê xo yê neweyî qiymetê bajarî zêde bikero.
Projeyê Meydanê Bajarî 17 hezar 500 metrekare cayo akerde û 2 qatî otoparkê 500 wasayîtan ra yeno meydan.
Seke fotografe de zî asîyeno meydano ke verê cû zerdun bi pê temambîyayîşê proje bîyo beton.