ZAZAKÎ NEWS - Helug, vaşêko kovî yo ke verê verkan demê wisarî de vejîyeno. Na vaş, bi nameyê "Nergiza kovî", "Sosin" û "Pîyazê kovî" zî yeno şinasnayene. Helug, bi taybetî koyanê berzan de, cayê ke serdin û huşk de reseno. Pelê helugi kesk, derg û tûj ê.
No vaş demê verênê wisarî ra heta menganê hamnanî eşkîyeno bêro dîyene. Helug verê verkan pelê xo vejeno û nîşanê ameyîşê wisarî dano. Nê semedî ra şarê herême yê koyan helugi vîneno, zano ke wisar dest pêkerdo.
Helug, esasen vaşêkê serdinî yo û coka koyanê berzan de zaf yeno dîyene. Bingeyê ey de pîyazêk (sogan) û rîşeyanê xurtî estê ke bi înan reyde cemed ra xelisîyeno û demê verênê wisarî de pelan vejeno.
Kurdistanî de, helug Dêrsim, Çewlîg, Amed, Riha, û gelek bajaranê bînan de zî yeno dîyene.
Gama ke helug reseno, yew gilê rindek û rengîn vejeno, demê cuyeyê ey qij o. Gulê helugî bi reng est o; rengê zerd, kewe, sur û bover gulê helugî de estê. Gulan ra dima dane vejîyeno û dima zi gama ke no vaş huşk bîyo, bezre vila beno û wisarê bîn de newe ra helug vejîyeno.
Helug, seke şarê herêmî vano, vaşêko dermanin o ke zaf feydeyê ey estê
