ZAZAKÎ NEWS - Goreyê îstatîstîkanê Merkezê Rîskî yê Yewîtîya Bankayan ê Tirkîya, Tirkîya de 3 mîlyon û 998 hezar û 602 kesî nêeşkenê deynê xo yê kredîyanê şexsî û kartanê kredîyan bidê.
Prof. Dr. Şenol Babuşcu îstatîstîkanê deynê welatiyan ê kredîyanê bankayan û kartanê kredîyî yê goreyê Merkezê Rîskî yê Yewîtîya Bankayan a Tirkîya eşkera kerd.
Goreyê îstatîstîkan menga destpêkerdişî ya serra 2025î de hûmara welatiyanê ke semedê deynê kredîyanê şexsî û kartanê kredîyan înan rê taqîbatê qanûnî ame destpêkerdene, goreyê ê menganê serranê verênan se ra 44 zêde bi û derheqê 259 hezar kesan de taqîbato qanûnî ame destpêkerdene.
Hûmara welatiyanê ke semedê deynê kartanê kredîyan binê taqîbatê qanûnî de yê, di mengan de 167 hezar kes zêde bi û resa 345 hezar kesan.
Menga Sibate ya 2025î de deynê kredîyanê şexsî resayo 4 trîlyon û 281 mîlyar lîre ke nêzikî 113 mîlyar dolar o.
