Dêrsimijî ewro semedê Seyîd Rizayî ameyî têlewe.
Ewro Dêrsim de bi rayberîya Platformê Demokrasî û Kede de semede yadkeridşê Seyîd Rizayî û embazanê ey êyê ke 87 serrî verê cû roja 15ê Teşrîna Peyêne ameybî qeti kerdene, çalakîyeye ameye tertîp kerdene.
Seyîd Riza, Wuşenê Seydî û Findik Axa, Wuşenê Sey Rizayî, Hesenê Civraîl Agaê Arekiye, Aliyê Mirze Sili, Hesenê Îvraimê Qijî rê cezaya îdamî ameybî dayene.
Seyîd Riza û embazê ey serra 1938î roja 15ê Teşrîna Verêne hetê dewleta Tirkîya ra ameybî kiştene.
Seyan kesê ke semedê yadkerdişê înan ameyî têlew, Kuçeyê Hunerî ra heta meydanê Seyîd Rizayî rayîr ra şîyî.
Meydanê Seyîd Rizayî de beyanatêk ame dayene.
Beyanat de nê çîyî ameyî vatene;
-Wa bi resmî ozir bêro waştene û no ozir raya pêroyî de bêro vilakerdene!
-Wa cayê mezelê Seyîd Rizayî û kesê bînî ke ameyê îdamkerdiş bêrê aşkere kerdene!
-Wa arşîvê serranê 1937-38 bêrê vetene û aşkere kerdene!
-Wa lîsteya domanê ke demê qetlîamî de keyeyanê înan ra ameyê girewtene bêra aşkere kerdene.
-Nameyê Dêrsimî û ca û waran peyser bêrê dayene!
-Wa polîtîkayê asîmîlasyonî êyê ke ziwan û bawerîya şarê ma ser o yene ramitene bêrê peynîkerdene!