Di hunermendê Kurdî Azad Bedaran û Helîm Arslan (Omerî) ewro Amed de hetê polîsan ra ameyê girewtiş.
Helîm Omerî keyeyê xo de Azad Bedran Teyarageh de ameyî tepiştiş.
Ame zanayîş ke polîsan ê berdî Mudirîyetê Emnîyet.
Sebebê tepişîyayîşê her di hunermendanê Kurdan nêzanîya.
Merkezê Kulturî yê Mezopotamya (MKM) zî derheqê tepişîyayişê her di hunermendan Kurdan de beyanat da.
"Muzîk û hunerê Kurdkî nêno bêvengkerdiş!"
MKMî beyanatê xo de wina va:
"Bêtehemulîya dewlete ya vera kultur û hunerê Kurdkî bi tepişîyayiş û girewtişan dewam keno.
Tepişîyayiş û girewtişê ke ewro serê sibayî keyeyanê hunermendanê Kurdan Azad Bedran û Helîm Omerî de bîyê, hêrişê vera performans û ganîbîyayişê muzîk û hunerê Kurdkî yo.
No zext nêeşkeno vernîya kultur û hunerê Kurdkî bigêro.
Eksê ci, bi têkoşînê ma kultur û hunerê Kurdkî do hîna aver şêro.
Ma nê tepişîyayiş û zextanê ke hunermendanê Kurdan ser o benê şermezar kenê.
Muzîk û hunerê Kurdkî nêno bêvengkerdiş!"
