Saîd Zambak o ke 22 serrîya xo de amebi tepiştiş, 52 serrîya xo de hepisxane ra vejîya.
Saîd Zambak serra 1995î de Balîkesîr de wexto ke 22 serrî bi, ame tepiştiş û dima hêzanê emnîyetî o berd Erzirum û ame tewqîkerdiş.
Zambak hetê Dadgeha Emnîyetê Dewlete (DGM) ra bi îdîaya "xirabkerdişê yewîya dewlete" cezayê heta-hetayî girewt.
Saîd Zambak, 30 serran ra dima hepisxane ra ame veradayîş.
Zambak Hepisxaneya Tîpa T ya Girewteyî ya Şakrana Îzmîrî ra vejîya.
Zambak badê ke hepisxane ra vejîya yew îzahatê kilmekî da û va: "30 serran ra dima ameya veradayîş. Îfadeya nê hîsî zor o. Ruhê merdimê ke cuye ra hes kenê û têkoşeran tim û tim ciwan beno. 30 serrê mi yê hepisxane de têkoşîn reyde vîyartî. Coka ez sereberz û serfiraz a. Ez hîsanê zaf cîyayan ciwîyena. Rewşa embazanê mi yê ke zere de yê zî baş a, xo ver danê."
