Şaredarîya Amedî ya Şaristanê Girdî seba ke şarê ma bieşko xo biresno weranê weşan, kontrolanê şewan de tesîsê ke bêqeyde werd roşenê tesbît kerdî û heqê înan de proseso huqûqî viraşt.
Serekîya Daîreya Karê Weşîye û Koordînasyonê Kontrolê Xidayan, kontrolanê tesîsan û xebatanê xo dewam kena. Na çarçewa de ekîbanê Şaredarîya Şaristanê Girdî û Şaredarîya Baxlarî, tesîsan de kontrolê şewe kerdî.
Werê vîyarteyî îmha bîy
Kontrolanê peyênan de, goşto germo ke pakete bîyo û goştê kerge ke ameyê pewtene la nêameyo rotene û dolaban de mendê, ameyî tesbîtkerdene. Heme malê vîyarteyî ke tesbît bîyî ameyî îmhakerdene û heqê tesîsanê berpirsîyaran de prosesê huqûqî virazîya.
16 tesîsî ameyî kontrolkerdene
Ekîbanê Şaredarîyanê Yenîşehîr, Kayapinar û Sûrî zî marketan kontrol kerd. Kontrolê ke Şaredarîya Sûrî kerd, 16 tesîsê ke xidayê tarîxê înan vîyarteyî rotêne, heqê înan de prosesê huqûqî viraşt.
Kontrolî dewam kenê
Serekê Daîreya Karê Weşîye Wahap Saçakliyî, dîyar kerd ke ê seba ke weşîya şarî bipawê kontrolan kenê û do tesîsê ke werê sexte roşenê do vernîya înan bigîrê.
