Qezaya Dîyarbekirî Çinar de hetê dewijan ra merreyêk ame vînayîş û goreyo ke vajîyeno no merre, merreyo tewr qij yê dinya yo . Tewirê ey ra zî Suncus etruscus vajîyeno.
Çinar de welatî Eyüp Dal war de yew merre dî û merre qasê 2 santimetre bi. Welatî pê telefonê xo yê destî fotografê merreyî antî. Ame musayîş ke tewirê nê merreyî "Mereyê Etrusk cure" (Suncus etruscus) o. Merre tewr zêde 2-3 gram o.
Unîversîteya Dîcle ra Prof. Dr. Alaettin Kayayî derheqê nê tewirê merreyî de zanayîş da û va ke; "No merre hetê ekolojîkî ra heywanêko zaf muhîm o. No merre baxçeyan û daristanan de însanan ra dûrî de cuyeno. Qij asîyeno la seydwanêko yeman o. Semedo ke lulikan weno çeneyê ey merreyanê bînan ra cîya yo."