Rojnamegerê ke seba xovîrardişê embazanê xo yê ke ameyê qetilkerdiş bi amebî tepiştişî, IFJyî seba veradayîşê înan veng da.
Rojnamegerî Gulîstan Dursun, Hayri Tunç, Enes Sezgîn, Osman Akin, Can Papîla, Pinar Gayîp û Serpîl Unalî ke 21ê Kanûna Verêne de seba eylemê ke Îstanbul de seba rojnamegeranê ke êrişê SÎHAyê Tirkîya de ameyê qetilkerdiş Nazim Daştan û Cîhan Bîlgînî viraştbî, tepişîyayî. Federasyonê Rojnamegeranê Mîyanneteweyî (IFJ), hesabê xo yê medya sosyalî ra derheqê 7 rojnamegeran de yew daxuyanî da û veng da ke rojnamegerî bêrê veradayîş.
IFJyî platformê Xî ra daxuyanîya xo de va: "Tirkîya de 21ê Kanûna Verêne de eylemê ke Îstanbul de seba protestokerdişê qetilkerdişê rojnamegeranê kurdan Nazim Daştan û Cîhan Bîlgînî yê ke Rojava de ameyê kiştiş, ame viraştiş de tewr tay 7 rojnamegerî ameyî tepiştişî. Ma veng danê rayedaran ke wa înan ca de veradê."
